Almatyda strıtboldan «Kóshe lıgasy 3*3» qalalyq týrnıri bastaldy (FOTO)
ASTANA. QazAqparat - Almatydaǵy «Vyshe Kryshı» sport kesheniniń jazǵy alańynda «Kóshe lıgasy 3*3» týrnıriniń resmı ashylýy ótti.
Qalalyq dene tárbıesi jáne sport basqarmasynyń habarlaýynsha, buqaralyq sportty damytýǵa arnalǵan «Sporttyq Almaty» aýqymdy qalalyq baǵdarlamasy aıasynda ótkizilgen týrnırge ońtústik astananyń 32 komandasy qatysýda.
Maýsym boıy barlyq komandalar demalys saıyn (senbi jáne jeksenbi kúnderi) bir-birimen kezdesip, myqty sporttyq ujymdy anyqtaıtyn bolady. Aıta keterligi, apta saıynǵy kezdesýler qalanyń barlyq aýdandarynda da ótkiziledi.
Turaqty maýsymnyń ashylý saltanatyna qala ákimi Baýyrjan Baıbek qatysyp, alǵashqy dopty laqtyrý rásimine ıe boldy. Sonymen qatar kásibı basketbolshylar da bul sharaǵa atsalysyp, kórermender aldynda tamasha oıyn órnegin kórsetti.
