Almatyda stomatologııalyq kómekke 3,9 mlrd teńge bólindi

ALMATY. QazAqparat- 2023 jyly Almaty qalasynda mindetti áleýmettik medıtsınalyq saqtandyrý paketi arqyly kórsetiletin stomatologııalyq qyzmetterge 3,9 mlrd teńge bólindi. Bul týraly Medıtsınalyq saqtandyrý qorynyń Almaty fılıaly málim etti, dep habarlaıdy QazAqparat tilshisi.

Qor 2023 jyldan bastap stomatologııalyq klınıkalarmen tikeleı kelisimshart bekite bastady.

«Buryn stomqyzmet kórsetý týraly kelisimshart emhanalar arqyly jasalatyn. ıAǵnı, stomatologııalyq klınıkalar emhanalarmen sýbmerdigerlik kelisimshart arqyly jumys isteıtin jáne halyqqa kórsetilgen stomqyzmet sanyn emhanalar qadaǵalaıtyn. Emhana jumysynyń kóptiginen bul protsesti baqylaý qıyndyq týdyryp keldi. Saldarynan stomatologııalyq klınıkalar tarapynan kórsetilmegen qyzmetterdi «kórsetti» dep jazý faktileri de kezdesti. Sondyqtan Qor osyndaı olqylyqtardyń aldyn alyp, qyzmet kólemi men sapasyn baqylaý maqsatynda kelisimshartty tikeleı jasaý týraly sheshim qabyldady», - dedi Tileýhan Ábildaev.

Aıtýynsha, stomatologııalyq klınıka kómegine júginý úshin emhanadan joldama alýdyń qajeti joq. Aldymen Qormen jumys isteıtin tis klınıkalaryn naqtylap alý qajet. Olardyń tizimimen MSQ fms.kz resmı saıty arqyly tanysýǵa bolady. 2023 jyly Almatyda 70 medıtsına uıymy stomatologııalyq qyzmet kórsetedi, olardyń arasynda emhanalar men jeke menshik klınıkalar da bar.

Esterińizge sala ketsek, shuǵyl stomatologııalyq kómek balalar, júkti áıelder, UOS ardagerleri men zeınetkerler, múgedekter, balalyq shaqtan múgedek jáne 1-top múgedegin kútýshiler, «Altyn alqa», «Kúmis alqamen» marapattalǵan kóp balaly analarǵa, ataýly áleýmettik kómek alýshylarǵa, josparly stomkómek 18 jasqa deıingi balalar men júkti áıelderge kórsetiledi.