Almatyda stend atýdan buqaralyq aqparat quraldary arasynda «Qoramsaq» týrnıri ótedi
ALMATY. 1 qazan. QazAqparat - Almatyda stend atýdan buqaralyq aqparat quraldary arasynda 5qazan kúni «Qoramsaq» týrnıri ótedi. Ony «Qoramsaq» Qazaqstan qarý-jaraq qaýymdastyǵy uıymdastyryp otyr. Ol atý sportyn nasıhattaý jáne azamattyq qarýǵa degen qyzyǵýshylyqty kóterý maqsatynda uıymdastyrylyp otyr.
Olımpıada oıyndarynyń baǵdarlamasyna 1900 jyly kirgen stend atýdan alǵashqy Álem chempıonaty 1935 jyly ótken bolatyn. Qazaqstanda kenje damyǵan sport túri bolyp sanalatyn stend atýdan Qazaqstan quramasy Olımpıada oıyndaryna qatysqanymen áli kúnge deıin jeńimpaz atanǵan eshkim bolǵan joq.
Jalpy atý sportynyń bul túrindearnaıy alańdarda laqtyratyn qurylǵylar men laqtyrylatyn nysana-tarelkeler tegis uńǵyly myltyqtan atylady. Qazaqstanda ol atý sportynyń túri retinde 1934 jyldan bastap tarala bastady. Qazaqstanda keńestik dáýirde Eýropa chempıony, Eýropa kýbogynyń ıegeri, KSRO halyqtary spartakıadasynyń chempıony, komandalyq eseptegi Álem chempıony bolǵan sportshylar shyqqanymen, qazir bul úrdis laıyqty deńgeıde óz jalǵasyn tappaı otyr.
