Almatyda stend atýdan Aleksandr Asanov atyndaǵy mergender klýbynyń Gran-prı jarysy ótedi
ALMATY. Sáýirdiń 7-ci. QazAqparat /Erlik Erjanuly/ - Sáýirdiń 8-i kúni Almatydaǵy A. Asanov atyndaǵy mergender klýbynda stend atýdan Gran-prı jarysy bastalady,
dep habarlaıdy QazAqparat.
Ony QR Stend jáne tájirıbelik atý federatsııasy men A.Asanov atyndaǵy mergender klýby birigip uıymdastyryp otyr. Dástúrli túrde jyl saıyn ótetin bul sharaǵa búgin qatysýshylardy tirkeýdiń aqyrǵy kúni. Sáýirdiń 12-sine deıin sozylatyn bul jarys barlyq halyqaralyq standarttar men Halyqaralyq mergender federatsııasynyń talaptaryna saı ótkiziledi. Federatsııasynyń bas hatshysy Anastasııa Davydovanyń aıtýynsha, bul baıraqty báseke ulttyq quramany jasaqtaý, sportshylardyń reıtıngin anyqtaý jáne jattyqtyrýshylar men tóreshilerdiń kásibı biliktiligin arttyrý maqsatynda ótkiziledi. Oǵan kásipqoı sportshylarmen qatar áýesqoı stend atýshylar da qatysa alady. Saıys jekeleı jáne komandalyq túrde ótedi. Komandalardyń quramynda erlerde - 3, áıelderde - 2 adamnan bolady.
