Almatyda standartty emes deni bitimdi áıelderge arnalǵan kıim úlgileriniń kórsetilimi boldy
ALMATY. 21 qańtar. QazAqparat /Názıra Eleýhan/ - Búgin Almatyda standartty emes deni bitimdi áıelderge arnalǵan kıim úlgileriniń kórsetilimi bolyp ótti.
Atalmysh sharanyń uıymdastyrýshylary -túrik eliniń "ZALEL" saýda markasy. Kórsetilimde túrik eliniń jetekshi saýda kompanııalarynyń tolyq (52-den 60 -qa deıingi kólemde), óte kishi (34-ten 40-qa deıingi kólemde) dene bitimdi áıelderge jáne alasa boıly(150 sm boıly) áıelderge arnalǵan kóktem jáne jaz kıim úlgileri kórsetildi. Sonymen qatar, sheberlik synyptar ótkizildi.
"Ár áıel daralyǵymen ádemi. Sán álemi men kıim naryǵynda qazir kózqaras ózgerdi. Eýropa elderinde zańnama negizinde úlken kólemdegi kúndelikti kıimder shyǵarylýda. Fashion -bıznesi, jýrnaldar da standartsyz dene bitimdi áıelderdi, "tolyq" tabıǵı ádemilikti qabyldady. Ondaı áıelder men qyzdar sán áleminde qazirgi ýaqytta joǵary tuǵyrǵa shyǵyp, dástúrli "ıdealdy" modelderdi yǵystyrýda. Sondyqtan qazir sánniń jańa trendi qalyptasýda. Ol áıel sulýlyǵynyń jańa standartyna ulasýy ádben múmkin",-dedi "ZALEL" saýda brendiniń negizin qalaýshy, modeler Mustafa Orých. Onyń aıtýynsha, sondyqtan da kompanııa standartsyz dene bitimdi áıelderge arnap kıim tigýde.
Mustafa Orýchtyń aıtýynsha, endi ol kıimderdi qazaqstandyq áıelder men kóterme baǵamen satyp alýshylar túrik eline barmaı-aq, Qazaqstannan satyp ala alady.
"Búginde standartsyz dene bitimdi áıelderge sapaly brendti kıim tabý óte qıyn. Ásirese, alasa boıly áıelderge. Bul oraıda meniń oıymsha "ZALEL" saýda brendiniń baǵyty óte durys jáne olardyń osyndaı bitimdi áıelderge nazar aýdarýy qýantady ", -dedi elimizdiń tanymal ánshisi Shahızada.
