Almatyda stalınızm týraly halyqaralyq konferentsııa ótedi
Bul Almaty qalasynyń tarıhy murajaıyndaǵy NKVD-KGB lagerler júıesi GÝLAG-tyń joıylǵanyna 50 jyl tolýyna arnalǵan dóńgelek ústel májilisinde aıtyldy, dep habarlaıdy QazAqparat.
"Qazaqstanda saıası qýǵyn- súrginge ushyraǵandardy eske alý úshin Astananyń túbinde ALJIR murajaıy ashyldy. Ondaǵy memorıalda 7 myń áıeldiń aty-jóni jazylǵan. Olardyń 179-y qazaq ultynyń ókilderi. Ózgeleri Keńes Odaǵynyń túkpir-túkpirinen ákelingender. Sondyqtan ózge lagerlerge jiberilgen qazaqstandyqtardyń esimin anyqtaý úshin derekter bazasyn qurý qajet. Máselen, qýǵyn-súrginge ushyraǵandardy aqtaý týraly zań shyqannan beri jazyqsyz sottalǵan 340 myńnan astam adam aqtaldy. Olardyń kóbi Odaqtyń ózge lagerlerinde jazasyn ótedi. Olardyń taǵdyryn anyqtaý úshin halyqaralyq derekter bazasy júıesine qosylýmyz kerek. Qaraly tarıhty bilý bizdiń paryzymyz. Sondyqtan Saıası qýǵyn-súrginge ushyranǵandar qaýymdastyǵy aldaǵy aqpan aıynda halyqaralyq konferentsııa ótkizýdi josparlap otyr", deıdi "Ádilet" tarıhı-aǵartý qoǵamynyń tóraǵasy Beıbit Qoıshybaev. Qaıratker jazýshynyń aıtýynsha, jazasyn eńbekpen óteý lagerleri júıesiniń jabylǵanyna 50 jyl tolsa da onyń shyndyǵyn kóp adam áli tolyq bile bermeıdi. Sondaı-aq jazyqsyz jazalanǵandarǵa jetkilikti áleýmettik kómek berilmedi. Olar ózderiniń quqyqtaryn tolyq paıdalanyp júrgen joq.
