Almatyda «Stalındik kezeńdegi Qazaqstandyq birinshi basshylar» atty kitap jaryq kórdi
ALMATY. Sáýirdiń 6-sy. QazAqparat /Názıra Eleýhan/ - Almatyda «Stalındik kezeńdegi Qazaqstandyq birinshi basshylar» dep atalatyn týyndynyń tusaýkeser rásimi ótti,
dep habarlaıdy QazAqparat.
Atalmysh kitaptyń avtorlary tarıh ǵylymdarynyń doktorlary men professorlary Vladıslav Grıgorev pen Láıla Ahmetova. Kitap Ál-Farabı atyndaǵy Qazaq ulttyq ýnıversıtetiniń baspasynan jaryq kórdi.
Shyǵarmada Stalın kezeńindegi Qazaqstannyń birinshi tulǵalary týraly tarıhshylar men saıasatkerlerdiń oı-tolǵanysy berilgen. Ár bólim, ár saıasatkerdiń qyzmet jolyna arnalǵan. Sondyqtan bul kitap saıası tarıh janryna jatqyzylyp otyr.
«Kitap 1924-1953 jyldardy qamtyǵan, stalındik kezeńde Qazaqstandy basqarǵan Fılıpp Goloshekın, Levon Mırzoıan, Nıkolaı Skvortsov, Jumabaı Shaıahmetov týraly kóptegen maǵlumattarymen qundy. Óıtkeni, materıaldardyń 90 paıyzy, buǵan deıin esh jerde jarııalanbaǵan jańa derekter. Men Máskeýdiń kitaphanalary men muraǵattarynda, sondaı-aq QR Prezıdentiniń muraǵatynda zertteý júrgizip, jumys istedim. Biz HH-shy ǵasyrdyń kóshbasshylary týraly bilýimiz kerek, bul birinshiden óz tarıhymyzdy túgendeý úshin qajet», dedi tanystyrylym barysynda Láıla Ahmetova.
Ǵylymı eńbek stýdentterge, pedagogtarǵa, jýrnalısterge, saıasatkerlerge, áleýmettanýshylarǵa jáne HH ǵasyr tarıhy máseleleri qyzyqtyratyn oqyrmandarǵa arnalǵan.
