Almatyda sporttyń eki túrinen QR chempıonattary ótedi
ALMATY. QazAqparat – Almaty qalasynda sadaq atýdan jáne jasóspirimder arasynda tennısten Qazaqstan chempıonattary ótedi, dep habarlaıdy QazAqparat Olympic.kz saıtyna silteme jasap.
Atap aıtqanda, 28 naýryz – 2 sáýir aralyǵynda jasóspirimder arasynda tennısten Qazaqstan birinshiligi uıymdastyrylady.
«Eıs» tennıs ortalyǵynda ótetin dodaǵa elimiz óńirlerinen 100-ge jýyq sportshy qatysady.
Jekeleı synda negizgi dodaǵa qyzdar men uldar arasynda 24 oıynshydan birden ótedi.
Іrikteý saıysynan ótkender tórt joldamaǵa ıe bolady. Oǵan qosa uıymdastyrýshylar tarapynan arnaıy shaqyrtý (wild card) alǵandar baq synaıdy.
Juptyq synda negizgi jarysqa 13 jup birden ótse, taǵy úsh dýet arnaıy shaqyrtýmen qatysady.
Sondaı-aq 24-31 naýryz kúnderi sadaq atýdan Qazaqstan chempıonaty ótedi.
El birinshiliginde eresektermen qatar, jastar da baq synaıdy. «Merkýrıı Medet» sport bazasynda ótetin dúbirli dodaǵa 200-ge jýyq sportshy qatysýǵa tirkelgen.
