Almatyda sporttyq jolyn aıaqtaǵan sportshylar arasynda tuńǵysh ret HOK semınary ótip jatyr

Bul shara sportshylarǵa bilim alýǵa, biliktiligin arttyrýǵa jáne jumysqa ornalasýyna kómektesýine arnalǵan.  

Semınar barysynda HOK Atqarýshy komıtetiniń múshesi, úsh Olımpıada oıyndaryna qatysqan belgili semsershi Klaýdııa Bokel árekettegi jáne sporttyq mansabyn aıaqtaǵan otandyq 40 atletke sporttan keıingi ómir jolyn qalaı bastaý kerektigi jaıynda áńgimeleıdi.   

«Bul semınar - HOK pen sportshylar arasyndaǵy tikeleı dıalog ispettes. Onda biz jeke tulǵanyń damý máselelerin qarastyramyz. Sporttan keıin áleýmettik ómirge beıimdelý jaıynda sóılesemiz.   

Qazaqstan HOK-tyń sportshylarǵa mansaptyq qoldaý kórsetý boıynsha ǵalamdyq baǵdarlamasynyń tolyqqandy qatysýshysy bolatyndyǵyna úmitim zor. Osy baǵdarlama aıasynda kúni búginge deıin 100-den astam elden 10 myńnan astam atlet sporttan tys salada qyzmet jolyn jalǵastyrýǵa múmkindik aldy», - dedi K. Bokel.

Qazaqstannyń Ulttyq Olımpıada Komıtetiniń bas hatshysy Danııar Abylǵazınniń aıtýynsha, atalmysh uıymnyń qyzmetin jetildirý boıynsha strategııalyq baǵyttardyń biri - komıtettiń qyzmetinde  sportshylardyń rólin arttyrý. 

«Bizdiń maqsatymyz sportshylarǵa sportta júrgen kezinde ǵana emes, sporttan keıin de qoldaý kórsetý», - dedi ol.  

«Sportshy mansaby» baǵdarlamasy halyqaralyq deńgeıde HOK qoldaýymen ázirlengen jáne 30-dan astam elde Ulttyq Olımpıada Komıtetteriniń qoldaýymen júzege asyrylyp jatyr.