Almatyda sporttyq bıden «Kúz valsi» halyqaralyq jarysy bastaldy
ASTANA. QazAqparat - Búgin Almatyda sporttyq bıden «Kúz valsi-2017» 11-halyqaralyq týrnır bastaldy, dep habarlaıdy QazAqparat tilshisi.
Jarysqa Qazaqstan sportshylarynan bólek Qyrǵyzstan, Belarýs, Ýkraına, Ózbekstan jáne Reseı memleketteriniń ókilderi qatysady.
Esterińizge sala keteıik, bul týrnır Almatyda 2005 jyldan beri dástúrli túrde uıymdastyrylyp keledi.
Jarys aıasynda halyqaralyq saıystardyń kategorııasy boıynsha QR birinshiligi men kýbogy ótkiziledi: balalar (4-6 jas); ıývenaldar 1 (7-9 jas); ıývenaldar 2 (10-11 jas); ıýnıorlar 1 (12-13 jas); ıýnıorlar 2 (14-15 jas); jastar (16-18 jas) jáne eresekter (19-dan joǵary).
Jarysqa ózge memleketterden kelgen bilikti mamandar tórelik etedi. Jeńimpazdar men júldegerler 19 qarasha kúni anyqtalady.
