Almatyda sporttyq akrobatıkadan X Azııa chempıonaty bastaldy
ASTANA. QazAqparat - 17 qyrkúıek kúni Almatydaǵy «№ 9 Mamandandyrylǵan balalar- jasóspirimder olımpıadalyq rezervi mektebinde» akrobatıkadan X Azııa chempıonaty bastaldy, dep habarlaıdy QazAqparat.
Chempıonat úsh jas sanaty boıynsha ótedi: eresekter, 11-16 jas aralyǵyndaǵy jetkinshekter jáne 12-18 jas aralyǵyndaǵy jastar.
Baıraqty básekege Qazaqstan, Ózbekstan, Tájikstan, Qytaı, Úndistan, Iran, Soltústik Koreıa jáne Gonkong elderinen qatysyp otyrǵan 144 sportshy úsh kún boıy baq synaıtyn bolady.
«Biz chempıonatty halyqaralyq erejelerge sáıkes ótkizemiz. Al jeńimpazdar men júldegerler jalpy nátıjeler boıynsha anyqtalatyn bolady. ıAǵnı, eki kún erkin baǵdarlama, al úshinshi kún - kvalıfıkatsııa. Osyndaı aıtýly dodanyń Almatyda ótip jatqanyna asa qýanyshtymyz. Biz úshin bul úlken jetistik pen jaýapkershilik. Almaty halyqaralyq dárejedegi jarystardyń ortalyǵyna aınalady degen senimdemiz»,- dep atap ótti Azııa qurlyǵynyń sporttyq akrobatıkadan tehnıkalyq komıtetiniń prezıdenti Aıgúl Dúkenbaeva.
Jarys Dene shynyqtyrý jáne sport komıteti, Qazaqstannyń Mádenıet jáne sport mınıstrligi, Almaty qalasy ákimdigi, «Qazaqstannyń gımnastıka federatsııasy» jáne «Almaty qalasy gımnastıka federatsısy» qaýymdastyqtarynyń qoldaýymen ótýde.
