Almatyda sport kúnine arnalǵan velosherý ótedi
ASTANA. QazAqparat - 13 tamyzda Almatyda «Sporttyq Almaty» baǵdarlamasy aıasynda Sport kúnine arnalǵan velosherý ótedi, dep habarlaıdy QazAqparat.
Alyp shahardyń turǵyndary men qonaqtary tańǵy saǵat 08:30 -de «Nurly Taý» bıznes ortalyǵyna jınalyp, uıymdastyrýshylardan baǵaly syılyqtar oınatylatyn lotoreıanyń nómirlerin alyp, odan keıin 9 shaqyrym qashyqtyqty baǵyndyrý úshin jolǵa shyǵady.
Áýesqoılar velosherýdi Tuńǵysh prezıdent saıabaǵynda aıaqtaıdy. Márede qatysýshylardyń arasynda baǵaly syılyqtar men velosıped oınatylatyn bolady.
Sonymen qatar, Almaty qalasynyń dene shynyqtyrý jáne sport basqarmasy qatysýshylarǵa arnaıy bas kıimsiz (shlemsiz) qatysýǵa tyıym salynatyndyǵyń eskertedi.
Atalmysh velosherý «Sporttyq Almaty» qalalyq baǵdarlamasynyń qoldaýymen 2017-shi jyly josparlanǵan 21 velosherýdin on besinshisi bolyp sanalady. «Sporttyq Almaty» baǵdarlamasy megapolıstegi buqaralyq sportty damytý maqsatynda júzege asyrylýda.
Aıta keter jaıt, Qazaqstanda «Sport kúni» tamyzdyń úshinshi jeksenbisinde jyl saıyn atap ótiledi. Al tamyzdyń 20-i kúnine josparlaǵan velosherý áýesqoılarǵa arnalǵan «Tour of World Class Almaty» kásibı velojarysynyń ótýine baılanysty bolmaıdy.
