Almatyda sport festıvalinde 60 jastaǵy qarııa men 10 jasar qyz jurtty tań qaldyrdy
ALMATY. QazAqparat – Almatyda respýblıkalyq Tartyl Fest sport festıvalinde 60 jastaǵy Sháker Smaǵulov pen 10 jasar Veronıka Soklakova jurtty tań qaldyrdy, dep habarlaıdy QazAqparat tilshisi.
Sport festıvalinde Para júzýden Qazaqstan chempıony, 60 jastaǵy Sháker Smaǵulov 26 ret, al 10 jasar Veronıka Soklakova 21 ret týrnıkke tartyldy.
Sháker Smaǵulovtyń aıtýynsha, ol bala kúninen týrnıkten túspeı ósken.
«Búgin 26 márte tartyldym. Maǵan sýǵa júzgenge kúsh kerek. Sol úshin týrnıkke áli tartylyp júrmin. Meniń bir ulym men bir qyzym bar. Ulym da sportshy. 7 nemerem bar. Bárin de sportqa baýlıtyn bolamyn», - dedi Sháker Smaǵulov.
Al kishkentaı Veronıka sporttyq gımnastıkaǵa qatysyp júrgenine eki jyl bolypty.
Almaty ákimdigi Para júzýden Qazaqstan chempıony Smaǵulov Chakerdi «Jeńiske degen jigeri úshin» arnaıy nagradamen marapattady. Al 10 jasar Veronıka QR Prezıdenti Іs basqarýshysynyń marapatyna ıe boldy.
