Almatyda sport festıvali ashyldy (FOTO)
ALMATY. QazAqparat - Almatyda halqaralyq Olımpıada kúnine oraı Sport festıvali ashyldy. Búgin «Sporttyq Almaty» baǵdarlamasy aıasynda buqaralyq sportty dəripteýge baǵyttalǵan velosherý ótti.
Velosıpedshiler toby jańa marshrýt boıynsha tizildi. Sóre syzyǵy ədettegideı «Nurly-Taý» bıznes ortalyǵynan bastalyp Shyǵys aınalma jolymen Gorkıı atyndaǵy ortalyq mədenıet jəne demalys saıabaǵynda tuıyqtaldy.
Fınıshte velosıped qozǵalysynyń jaqtastary aýyr atletıka, qol kúresi, workout, krossfıt, trıkıng, strongman, armLifting syndy sport túrlerinen saıystarǵa qatysty. Sondaı-aq, kelýshiler arnaıy ashylǵan jərmeńkede sapaly sporttyq kıim, qural-jabdyq, adam densaýlyǵyna paıdaly azyq-túlik ónimderin satyp alýǵa múmkindik aldy. 
