Almatyda spıdveıden álem chempıonaty bastaldy
ALMATY. QazAqparat - Almaty qalasyndaǵy «Medeý» muz aıdynynda muz ústindegi motojarys - spıdveıden álem chempıonatynyń kezeńi bastaldy, dep habarlaıdy QazAqparat tilshisi.
Oǵan Qazaqstan, Avstrııa, Germanııa, Nıderlandy, Reseı, Chehııa jáne Shvetsııadan saıyskerler keldi. Alǵashqy kúni 20 irikteý saıysy, eki jartylaı fınal jáne bir fınal ótkizildi. Árbir saıysta motoshabandoz jarys jolyna shyqty. Olardyń arasynda birinshi kelgenge - úsh, ekinshisi - eki, úshinshisi - bir upaıdan jazyldy.
Alǵashqy kúni fınalda reseılik Danııl Ivanov álem chempıony ataǵyn qorǵap qaldy. Onymen birge álem chempıonatynda birneshe dúrkin júldegerler qatarynda kóringen reseılik Dmıtrıı Homıtsevıch pen Igor Kononov, avstrııalyq Harald Saımon da saıysqa túsken edi. Dmıtrıı Homıtsevıch pen Harald Saımon úzdik úshtikten kórindi.
Qazaqstandyq Vladımır Cheblokov, Sergeı Serov jáne Pavel Nekrasov álemniń úzdik motoshabandozdarymen joǵary deńgeıde saıysqa tústi. Degenmen olar jartylaı fınalǵa shyǵa alǵan joq. Chempıonat Halyqaralyq mototsıkl federatsııasynyń qoldaýymen ótkizilýde.
Jarys 2 aqpanǵa deıin sozylady.
