Almatyda «Sóz arheologııasy: tilder, jazba eskertkishter jáne tarıh» atty konferentsııa ótip jatyr
ALMATY. QazAqparat – Almatydaǵy Dostyq úıinde Abaıdyń 175 jyldyǵyna arnalǵan «Sózdiń arheologııasy: tilder, jazba eskertkishter jáne tarıh» atty halyqaralyq konferentsııa ótip jatyr, dep habarlaıdy QazAqparat tilshisi.
Koronavırýstyń taralýynan týyndaǵan álemdegi kúrdeli epıdemıologııalyq jaǵdaıǵa baılanysty konferentsııa onlaın-formatta ótip jatyr.
Konferentsııanyń maqsaty – til biliminde bar tujyrymdamalyq negizderdi, empırıkalyq materıaldy jáne lıngvıstıkalyq gıpotezalardy paıymdaý jáne osy saladaǵy jetekshi mamandardy dıalogqa shaqyrý. Sonymen qatar, Homo Sapiens – oıshyl adamnyń tarıhyn qaıta qurýǵa múmkindik beretin «sóz arheologııasyn» ázirleý.
Shara uıymdastyrýshylarynyń biri, aqyn Oljas Súleımenov konferentsııanyń mańyzdylyǵyna toqtaldy.
«Bul konferentsııanyń bereri mol. Búgin kóterilip otyrǵan máseleler men usynystar óz nátıjıesin beredi degen oıdamyn. Bárimiz ortaq qorytyndyǵa kelemiz dep senemin «, - dedi O.Súleımenov.
Konferentsııa aıasynda 3 sektsııanyń jumysy josparlanǵan:
1.Tilderdiń paıda bolý tarıhy, glottogenez máseleleri, onyń sebepteri, jergilikti erekshelikteri, dálel bazasy, shýmerologııanyń empırıkalyq múmkindikteri, etrýskologııa, akkadologııa, sako-skıfologııa, avestologııa, hettologııa, gýnnologııa jáne ejelgi jazýdyń naqty júıelerin zertteýdiń basqa salalary, sondaı-aq mádenıetter jaqyndastyǵynyń materıaldyq dáleli bolyp tabylatyn kóne, orta ǵasyrlar jáne qazirgi zamanǵy jazba eskertkishteri zertteledi;
2. Sóz kody: tańbalyq júıeler, jazýdaǵy tańbalar, salt-dástúrlerdegi, sıýjetterdegi jáne ertedegi adamzattyń dinı artefaktilerindegi sımvoldar, aýyzsha jáne jazbasha dástúrler dıalogy, sondaı-aq "sóz arheologııasynyń" jańa tásilderin paıdalana otyryp, ǵylymı kadrlar daıarlaý máseleleri;
3. Til jáne oılaý, onyń negizinde álemniń lıngvıstıkalyq beınesin zertteý aspektileri, planetarlyq sanany qalyptastyrýdaǵy sóıleý mátinderi men sotsıolektilerdiń orny jáne "sóz arheologııasynyń"jańa tásilderin eskere otyryp, arhetıpterdi modeldik taldaýdy júzege asyratyn proto - jáne tildik ortaqtyqtardy qaıta quratyn etımologııalyq zertteýler talqylanatyn bolady.
