Almatyda sottalýshy túrmeden qashyp ketti
ALMATY. QazAqparat – Almatyda sottalýshy tergeý ızolıatorynan qashyp ketti. Arnaıy jedel-izdestirý sharalary ótkizilip jatyr, dep habarlaıdy QazAqparat.
Qylmystyq-atqarý júıesi baspasóz qyzmetinen habarlaǵandaı, 15 aqpanda LA-155/18 mekemesinen (tergeý oqshaýlaǵyshy) sottalǵan 1987 jylǵy D.T. Davýtovtyń qashyp ketý faktisi tirkelgen.
«Almaty polıtsııasynyń departamenti atalǵan faktimen Qazaqstan Respýblıkasynyń 426-babymen sot aldyndaǵy tergeý amaldaryn bastady. Jedel-izdestirý jumystary júrgizilip jatyr» dep naqtylady vedomstvodan.
Bolǵan oqıǵanyń mán-jaıyn anyqtaý úshin QAJ komıteti basshylyǵynyń qatysýymen qyzmettik tekseris taǵaıyndalǵany habarlanyp otyr.
Onyń qorytyndysy boıynsha laýazymdy tulǵalarǵa tıisti sharalar qoldanylady.
