Almatyda sottalýshy ózin-ózi qasaqana jaraqattady
ASTANA. QazAqparat - Almatynyń tergeý ızolıatorynda tórt ret sottalǵan sottalýshy óziniń keýde tusyna bóten zatpen qasaqana jaraqat keltirgen. Bul týraly QazAqparat QR ІІM QAJ komıtetiniń baspasóz qyzmetine silteme jasap habarlaıdy.
«Oǵan medıtsınalyq kómek kórsetildi. Aýrýhanaǵa jatqyzylǵan joq», - delingen habarlamada.
Belgili bolǵandaı, óz múshesin qasaqana zaqymdaý oqıǵasy Aqparattar esebi kitabyna tirkelip, materıaldar protsessýaldyq sheshim qabyldaý úshin tıisti organdarǵa joldanǵan.
«Sottalýshylarǵa arnalǵan Respýblıkalyq psıhıatrııalyq aýrýhanada statsıonarlyq em qabyldaýdan ótken soń ol ary qaraı jazasyn óteý mekemesine jóneltý úshin Almaty qalasyndaǵy tergeý ızolıatoryna jetkizilgen bolatyn. Alaıda ol basqa óńirde jazasyn óteýge kelispedi. Kelispeıtinin bildirý úshin sáýir aıynyń basynda óziniń aıaǵyna ystyq sý shashqan edi. Endi búgin ózine qasaqana zaqym keltirip otyr», - dep habarlady baspasóz qyzmetinen.
Sot kánigi qylmysker dep tanyǵan 49 jastaǵy er adam qazirgi ýaqytta kisi óltirgeni úshin 18 jyl túrmede otyrý jazasyn ótep jatyr.
«Respýblıkanyń túrli óńirlerindegi bas bostandyǵyn aıyrý oryndaryndaǵy 12 jyldyq jazasyn óteý kezinde ol tártip deńgeıiniń eń joǵarǵy jaǵymsyz deńgeıin kórsetken. 2018 jyldyń aqpan aıynda ǵana jazasyn óteý tártibin buzǵany úshin 10 táýlikke tártiptik ızolıatorǵa qamalǵan», - delingen habarlamada.
