Almatyda sot júrip jatqandyqtan 250 jańa avtobýs jolǵa shyǵa almaı tur
ALMATY. QazAqparat- Almaty ákimimen kezdesýge kelgen Áýezov aýdanynyń turǵyndary qoǵamdyq kólikterdiń sırek júretinine shaǵymdandy, dep habarlaıdy QazAqparat tilshisi.
Kezdesýge kelgen turǵyndardyń biri qalada qoǵamdyq kóliktiń sırek júretinine, ýaqtyly kelmeıtinine shaǵymdandy.
Aıtýynsha, ıAssaýı kóshesimen júretin №126 baǵyttaǵy avtobýs tańǵy saǵat 6:00 emes, 7:00-de júredi.
Sonyń saldarynan eresekter jumysqa, oqýshylar sabaǵyna keshigip barady.
Almaty qalalyq mobıldilik basqarmasy basshysy Ǵanı Myrzahanovtyń sózinshe, «AvtoTransGaz» kompanııasy óz jumysyna nemquraıly qaraǵandyqtan basqarma avtobýstardy jańa tasymaldaýshy merdigerge berýdi josparlap otyr.
Alaıda, sot protsesi júrip jatqandyqtan ákimdik ázirge eshteńe isteı almaıdy.
«Bizde jańa tasymaldaýshy bar, ol bizge gazben júretin 250 avtobýs usynyp otyr. Olar jolǵa shyqqan joq, qańtarylyp tur. Óıtkeni, bizde marshrýttar boıynsha sot protsesi júrip jatyr. Burynǵy kompanııa sotqa berdi. Olar ákimdikten eski marshrýttardy qaıtarýdy talap etýde. Sot isi aıaqtalǵan soń avtobýstar shyǵady», - dep jaýap berdi Erbolat Dosaev.
