Almatyda sot Jomart Ertaevty qamaýǵa aldy
ALMATY. QazAqparat - Almaty tergeý soty Jomart Ertaevty qamaýǵa aldy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
«Almaty qalalyq mamandandyrylǵan aýdanaralyq tergeý soty Medeý aýdandyq sotynyń 7 naýryzdaǵy Jomart Ertaevty qamaýǵa alý týraly bultartpaý sharasyn negizdi dep qabyldady. Qamaýda ustaý merzimi 2019 jyldyń 15 naýryzynan 15 mamyrǵa deıin jalǵaspaq. Úıqamaqta ustaý týraly ótinish qanaǵattandyrylmady. Otyrys kúdiktiniń qatysýymen ótti»,- dedi sottan.
Buryn habarlaǵanymyzdaı, Jomart Ertaevpen birge banktiń 41 top menedjeri men jumysshylary kúdikke ilingen edi. Aıta ketý kerek, Jomart Ertaev bıyl 15 naýryzda Qazaqstanǵa ekstradıtsııalanǵan bolatyn.
