Almatyda sot ocherkteri týraly baıqaýdyń qorytyndysy jarııalandy
ALMATY. 27 maýsym. QazAqparat /Erlik Erjanuly/ - Búgin Almatyda Qazaqstan sottary odaǵy, Qazaqstan jýrnalıster odaǵy jáne "Ádil sóz" halyqaralyq sóz bostandyǵyn qorǵaý qory uıymdastyrǵan sot ocherkteri týraly baıqaýdyń qorytyndysy jarııalandy.
Qazaqstan sottary odaǵynyń tóraǵasy Vladımır Borısovtyń aıtýynsha, saıysqa úmitkerlerden jyl basynan 20 maýsymǵa deıin 63 gazet jáne 1 televıdenıe materıaly kelip túsken. Onda 5 adamnan turatyn qazylar alqasy materıaldary sot ocherki jarynyń negizgi belgileriniń saqtalýy, sot óndirisindegi quqyq máselelerinen avtordyń habardarlyǵy, shyǵarmashylyq sheberliginiń deńgeıi ólshemderi boıynsha saraptady.
"Baıqaý qorytyndysy boıynsha, kópshilik daýyspen 1-oryn "Vremıa" gazetiniń Jambyl oblysyndaǵy menshikti tilshisi Galına Vybornovaǵa berildi. 2-3-oryndy "Zań" gazetiniń tilshisi Sholpan Qaraeva men Atyraý qalasynyń "Munaıly Astana" gazetiniń tilshisi Smadııar Quttygereı ıelendi. Sondaı-aq Shymkent qalasyndaǵy "Oka" gazetinen Tatıana Koretskaıa, Temirtaý qalasynan "Temirtaý jumysshysy" gazetinen Elena Kýlakova", Aqtóbe qalasynan "Aqtóbe Taıms" gazetinen ıÝlııa Mınına yntalandyrý syılyǵyna laıyq dep tabyldy", - deıdi qazylar alqasynyń múshesi, Ál-Farabı atyndaǵy Qazaq ulttyq ýnıversıtetiniń dotsenti, fılologııa ǵylymynyń kandıdaty Rahılıa Qarymsaqova.
