Almatyda sot aktilerin oryndaý bóliminiń basshysy 2 mln teńge para alǵan

Sybaılas jemqorlyqqa qarsy qyzmet Almaty qalasynyń ádilet departamentiniń ishki qaýipsizdik jáne personalmen jumys jónindegi bólimniń qyzmetkerlerimen birlesip Almaty qalasy ádilet basqarmasynyń Bostandyq aýdany boıynsha sot aktilerin oryndaý jónindegi aýmaqtyq bólimi basshysy mindetin atqarýshysyn sybaılas jemqorlyq qylmysyn jasaý kúdigi boıynsha áshkereledi.
«Ol sot aktisin oryndamaý faktisi boıynsha múlikke tyıym salý sharasyn qoldanbaý jáne ishki ister organdaryna materıaldaryn jibermeý úshin JShS dırektorynan 2 mln teńge somasynda para aldy dep kúdiktelýde», delingen habarlamada.
Agenttiktiń baspasóz qyzmetiniń málimetinshe, kúdiktiniń kinásin tolyq moıyndaýyna jáne onyń sotqa deıingi tergeýdi jeńildetilgen óndiriste aıaqtaý týraly ótinishine baılanysty oǵan qatysty protsessýaldyq ustaý qoldanylǵan joq.
Kúdikti kinásiniń deńgeıin anyqtaı otyryp, oǵan qatysty sońǵy sheshimdi sot shyǵarady.