Almatyda sot aktilerin oryndaý bólimi basshysynyń mindetin atqarýshy sottaldy
Bul týraly QazAqparat Almaty qalasynyń sybaılas jemqorlyqqa qarsy kúres qyzmetiniń málimetterine silteme jasap habarlaıdy.
Almaty qalasynyń sybaılas jemqorlyqqa qarsy kúres qyzmeti men qalalyq Ádilet departamentiniń ishki qaýipsizdik qyzmeti aýmaqtyq sot aktilerin oryndaý bólimi basshysynyń mindetin atqarýshy A.N.Ádilov sybaılas jemqorlyq qylmysyn jasady dep áshkerelengen bolatyn.
Ol JShS dırektorynan múlkine tyıym salý sharalaryn qoldanbaǵany jáne sot aktisin oryndamaý faktisi boıynsha materıaldardy ishki ister organdaryna jibermegeni úshin 2 mln.teńge kóleminde para alǵan.
Aǵymdaǵy jyldyń 23 jeltoqsanynda Almaty qalasy Medeý aýdandyq № 2 sotynyń úkimimen A.N.Ádilov para alǵany úshin kináli dep tanylyp, oǵan 2 jyl 7 aı 15 kún bas bostandyǵynan jáne memlekettik qyzmette laýazym ıelený quqyǵynan ómir boıyna aıyrý jazasy taǵaıyndaldy.