Almatyda Sorbulaq sarqyndy sý jınaýyshy eldi mekenderge, qorshaǵan ortaǵa eshqandaı qaýip tóndirmeıdi
ALMATY. Qazaqparat - Bul týraly "Tospa sý" MKK bas dırektorynyń orynbasary Erkebulan Faızýllaev aıtty.
"Sorbulaq jınaýyshyna tazartylǵan sarqyndy sýlardy josparly aǵyzý shamamen mamyr aıynyń ortasynda deıin júrgiziledi. Bul rette erigen sýlardyń qosymsha kólemi eseptelip túsetin sýdyń aǵymdaǵy kólemi saqtalady. Jınaýyshtaǵy sýdyń belgisi shamamen 859,04 mln tekshe metrge jetedi. Ol degenińiz 619,81 metr belgisine saı keledi, ıaǵnı qaýipti tireý belgisinen 69 sm tómen. Sondyqtan, Sorbulaq jınaýyshy eshqandaı qaýip tóndirmeıdi", - dedi Erkebulan Faızýllaev.
Onyń aıtýynsha, jaqynda oblystyq jáne qalalyq TJ departamentiniń, gıdrogeologııalyq ınstıtýt mamandarynyń qatysýymen jınaýyshtyń gıdrotehnologııalyq ahýalyna tekserý jasaldy. Nátıjesinde bógettiń bókteri men jotasynda aqaý baıqalmaǵan.
