Almatyda sońǵy úsh apta ishinde «OŃAI» kartasy arqyly 683 mln teńge tólendi
ALMATY. QazAqparat - Almatyda 2016 jyldyń 11-shi qańtarynan 1-shi aqpanǵa deıingi aralyǵynda 10 655 527 tranzaktsııa jasaldy.
Olardyń ishinde Biryńǵaı kólik kartasy boıynsha 530 783 400 teńgege 6 634 542 tranzaktsııa, 75 jastan asqan zeınetkerlerge arnalǵan Áleýmettik kólik kartasy arqyly - 210 912 tranzaktsııa, 75 jasqa deıingi zeınetkerlerge arnalǵan Áleýmetitk kólik kartasy boıynsha 46 081 840 teńgege - 1 151 998 tranzaktsııa, stýdentterge arnalǵan kólik kartasy boıynsha 77 242 500 teńgege - 1 931 025 tranzaktsııa jáne mektep oqýshylaryna arnalǵan kólik kartasy boıynsha 29 082 840 teńgege 727 050 tranzaktsııa jasalǵan.
Qazirgi tańda qala turǵyndarynyń qolynda 894 689 «OŃAI» kartasy bar. Osylaısha, 509 308 Biryńǵaı kólik kartasy satylyp, 385 381 jeńildetilgen kólik kartasy tegin berildi.
Bir aılyq jol júrý bıletteri «OŃAI» kartasy negizinde elektrondy nusqada bolady. Qazir qoldaǵy «OŃAI» kartasynyń teńgerimin tolyqtyrý barysynda «bir aılyq jol júrý bıleti» degen arnaıy fýnktsııa paıda bolady.
Osylaısha, jolaýshylar «OŃAI» kartasyn bir aılyq jol júrý bıleti retinde de paıdalana alady.
Sondaı-aq, qazirgi tańda «Almaty Kólik Holdıngi» JShS basqa da jolaýshy tasymaldaýshy kompanııalarmen birlese otyryp, jalpyǵa birdeı bir aılyq jol júrý bıletin qalpyna keltirý máselesin talqylap jatyr.
Bul bıletter aldaǵy naýryz aıynda shyǵarylýy yqtımal.
