Almatyda sońǵy táýlikte koronavırýs juqtyrǵandardyń basym bóligi medıtsına qyzmetkerleri
ALMATY. QazAqparat – Almatyda sońǵy táýlikte jańadan 145 jaǵdaı anyqtaldy. Qazirgi ýaqytta COVID-19 dıagnozy rastalǵan 669 adam bar. Bul týraly qalalyq Qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«Olardyń 104-i qazirgi ýaqytta provızorlyq ortalyq bolyp tabylatyn Ortalyq qalalyq klınıkalyq aýrýhananyń qyzmetkerleri, 12-si №12 qalalyq emhananyń, 11-i qalalyq pallıatıvtik kómek ortalyǵynyń qyzmetkerleri jáne 18 adam vırýs juqtyrǵan naýqaspen baılanysta bolǵandar»,– dep habarlady basqarmadan.
Búgingi kúni 577 adam juqpaly aýrýlar statsıonarynda jatyr.
Eki patsıenttiń jaı-kúıi – óte aýyr, 6 adamda – aýyr, 168-i aýyrlyqtyń ortasha dárejesinde jáne qalǵandarynda – qanaǵattanarlyq.
Almatyda koronavırýs ınfektsııasynan 88 adam saýyǵyp shyqty.
Provızorlyq gospıtaldarda 452 adam, karantındik oqshaýlaýda 352 adam, úı karantıninde 9 950 adam bar.
