Almatyda sońǵy táýlikte 1 ǵana naýqas tirkeldi
ALMATY. QazAqparat – Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev koronavırýstyq ınfektsııaǵa baılanysty epıdemıologııalyq ahýal týraly aıtty, dep habarlaıdy QazAqparat tilshisi.
Onyń aıtýynsha, 3 sáýirde Almatyda koronavırýstyq ınfektsııany juqtyrýdyń rastalǵan 91 jaǵdaıy tirkeldi.
«Qazir ınfektsııalyq statsıonarlarda 79 patsıent emdelip jatyr. Olardyń biri - Almaty oblysynyń turǵyny. 66 naýqastyń jaı-kúıi – qanaǵattanarlyq. 2 eresek adamnyń jaı-kúıi – aýyr, 11 eresek adamnyń jaı-kúıi – ortasha aýyrlyq deńgeıinde (olardyń bireýi oblystan). Jańadan anyqtalǵan naýqas aýyrǵan adammen baılanysta bolǵan», - dedi basqarma basshysy.
Onyń aıtýynsha, provızorlyq ortalyqtarda 613 adam karantınde jatyr, onyń ishinde 79-y — bala.
Eki kúndik karantınde – 446 adam, úı karantıninde – 4411 adam oqshaýlanǵan.
