Almatyda sońǵy eki kún ishinde 319 jaıaý júrginshige aıyppul salyndy
ALMATY. QazAqparat - Almatyda sońǵy eki kún ishinde 319 jaıaý júrginshige aıyppul salyndy. Bul týraly búgin Almaty qalalyq ІІD baspasóz qyzmetinen habarlady.
«Almatyda «Júrginshi» jedel-aldyn alý sharasy júrgizilip jatyr. Osy sharaǵa qatysty alynyp jatqan statıstıkalyq málimetter jaıaý júrginshiler tártipteriniń áli de tómen ekendigin, jol qozǵalysy erejesin saqtaı bermeıtindikterin kórsetti. Sońǵy eki kúnniń ishinde 319 jaıaý júrginshige ákimshilik shara qoldanylyp, aıyppul salyndy», - delingen habarlamada.
«Qazirgi tańda Almaty joldarynda ahýal kúrdeli kúıinde qalýda. Oǵan qosa, tártipsiz júrginshilerdiń kesirinen apatty jaǵdaılar kóp týyndaıdy. Almatyda kún saıyn ondaǵan júrginshi jol qozǵalysy erejesin saqtamaý saldarynan dene jaraqatyn alady. Sóıtip, óz ómirlerine qaýip tóndiredi», - dedi óz sózinde Almaty qalalyq ІІD Jergilikti polıtsııa qyzmetiniń bastyǵy, polıtsııa podpolkovnıgi Jasulan Báıkenov.
Aıta ketelik, Almatyda «Júrginshi» jedel-aldyn alý sharasy júrgizilip jatyr. Ondaǵy basty maqsat - júrginshiler tarapynan bolatyn jol qozǵalysy erejesiniń buzylý faktilerin anyqtaý jáne júrginshilerge jol qozǵalysy erejesin saqtaý kerektigin jan-jaqty túsindirý.
