Almatyda sońǵy 30 jyldaǵy Naýryz toıy jaıly onlaın kórme ótip jatyr
ALMATY. QazAqparat - Almatyda «Naýryz toıy - mereke» fotoqujat onlaın kórmesi uıymdastyryldy. Ony Almaty memlekettik arhıviniń áleýmettik jeli paraqashalarynan tamashalaýǵa bolady, dep habarlaıdy QazAqparat tilshisi.
«Naýryz toıy - mereke» onlaın kórmesinde Almatydaǵy Naýryz merekesin toılaý týraly muraǵat qoryndaǵy qujattar jáne «Naýryz sherýi» fotosýretteri usynylǵan.
Al «Naýryz – qut-bereke bastaýy» kórmesi Almaty qalasynyń memlekettik muraǵatyndaǵy Naýryz merekesiniń fotosýretter toptamasynan turady.
«Qazaqtyn ulttyq taǵamdary» kórmesinde qazaq halqynyń barlyq ulttyq taǵamdary týraly derekterdi kórýge bolady .
Memlekettik arhıvtiń áleýmettik jelilerinde Naýryz merekesine qatysty óte qyzyqty muraǵattyq qujattar jarııalanǵan.
Almaty qalasy Memlekettik arhıviniń qor qurýshysy M.Myrzahmetulynyń «Qazynaly Ońtústik» jınaǵynyń negizinde daıyndalǵan «Naýryz toıy – merekem, salt-dástúrim berekem!» atty materıalda Naýryz meıramy týraly tarıhı derekter usynǵan.
Sonymen qatar, «Naýryz dýman» derekti fılmin tamashalýaǵa bolady.
Onda 1989 jyldan bastap qazirgi ýaqytqa deıingi Naýryz merekesiniń hronıkasy kórsetiledi.
