Almatyda soltústik jáne shyǵys óńirlerge qonys aýdarýshylarǵa arnalǵan jármeńke ótkiziledi
ALMATY. QazAqparat - Almatyda 4-5 naýryz bos oryndar jármeńkesi ótkiziledi, dep habarlaıdy QazAqparat ákimdikke silteme jasap.
Almaty qalasy ákimdiginiń halyqty jumyspen qamtý ortalyǵy «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda Almaty qalasynan Qazaqstan Respýblıkasynyń soltústik jáne shyǵys óńirlerine (jumysqa ornalastyrýdy jáne jalǵa beriletin turǵyn úıdi qamtamasyz etýmen) erikti aımaqaralyq qonys aýdarý baǵdarlamasy boıynsha bos oryndar jármeńkesin uıymdastyrady.
Bos oryndar jármeńkesine 20-ǵa jýyq kompanııa, sondaı-aq Shyǵys Qazaqstan, Soltústik Qazaqstan oblystarynyń jáne Qostanaı, Pavlodar qalalarynyń jumyspen qamtý ortalyqtarynyń dırektorlary men mamandary qatysady.
Jármeńkege kelýshilerge Qazaqstan Respýblıkasynyń basqa qalalarynda jumys tabýǵa, sonymen qatar «Atameken» UKP, «Qolday» kásipkerlik ortalyǵy jáne «DAMÝ» kásipkerlikti damytý qory« AQ-dan bıznes ashý úshin memlekettik baǵdarlamalar boıynsha keńes beriledi.
Sharany Bostandyq aýdany ákimi apparatymen birlesip Almaty qalasy ákimdiginiń Halyqty jumyspen qamtý ortalyǵy uıymdastyrady.
Jármeńke Ál-Farabı dańǵyly boıynda Ál-Farabı atyndaǵy QazUÝ aldyndaǵy alańda 4-5 naýryz kúnderi saǵat 10:00-den bastalady.
