Almatyda soqtyǵysqan eki kólik janyp ketti
ALMATY. QazAqparat - Almatydaǵy jol-kólik apatynan eki avtokólik janyp ketti, dep habarlaıdy QazAqparat tilshisi.
Qalalyq TJD-nyń baspasóz qyzmetiniń málimetteri boıynsha, apat túnde ál-Farabı dańǵylyndaǵy 73-úı mańynda bolǵan. Toyota Camry kóligi Audi markaly avtokóligine soqtyǵysqan jáne órt tutanǵan.
«Órt 03.41-de aýyzdyqtaldy jáne 03:45-te tolyq sóndirildi. Oǵan jeke quramnan 12 adam jáne 2 dana tehnıka jumyldyryldy», - dep habarlady Almaty qalalyq TJD-nyń resmı ókili Sandýǵash Baımuhambetova.
Sondaı-aq, rastalmaǵan aqparat boıynsha, eki júrgizýshi men polıtsııa qyzmetkeri jedel járdem kóligimen aýrýhanaǵa jetkizilgen.
