Almatyda soqqyǵa jyǵylǵan kúzetshiniń jaǵdaıy belgili boldy
ALMATY. QazAqparat - Almatyda soqqyǵa jyǵylǵan býkmekerlik keńse kúzetshisiniń jaǵdaıy belgili boldy. Bul týraly QazAqparat tilshisine №7 qalalyq aýrýhananyń baspasóz qyzmetinen málim etti.
Oqıǵadan keıin býkmekerlik keńse qyzmetkerleri birden jedel járdem shaqyrǵan. Jaraqat alǵan kúzetshi №7 aýrýhananyń qabyldaý bólimine jetkizildi.
«Er adamnyń mıy shaıqalǵan jáne birneshe jerinde bulshyq etteri soǵylǵan. Sonymen qatar oń qolynyń ortańǵy saýsaǵy shyǵyp ketken. Kórsetilgen alǵashqy kómekten soń patsıent aýrýhanaǵa jatýdan bas tartty», - dedi aýrýhananyń baspasóz qyzmetinen.
Eske salaıyq, oqıǵa 20 qańtar kúni, tańǵy saǵat 4-5 arasynda Abaı men Saın qıylysyndaǵy Parı Match býkmekerlik keńsesinde boldy.
Betperde kıgen úsheý mekemege basa kóktep kirip, kúzetshini temir taıaqtarmen soqqynyń astyna ala jónelgen.
Fakti boıynsha QR QK-niń 192-baby 2-bóligimen (Qaraqshylyq) sotqa deıingi tergep-tekserý amaldary bastaldy.
«Qazir qylmysty áshkereleýge baǵyttalǵan keshendi sharalar júrgizilip jatyr», - degen bolatyn qalalyq Polıtsııa departamentiniń baspasóz qyzmetinen.
