Almatyda soǵys jáne eńbek ardagerlerine 50 myńnan 1 mln teńgege deıin kómek kórsetiledi

ALMATY. QazAqparat - Almatyda jergilikti bıýdjet esebinen soǵys jáne eńbek ardargerlerine 50 myńnan 1 mln teńgege deıin kómek kórsetiledi, dep habarlaıdy QazAqparat tilshisi.

Qalalyq ákimdiktiń taratqan aqparatyna sáıkes, sáýirdiń sońyna deıin soǵys múgedekterine, sondaı-aq olarǵa teńestirilgender men eńbek maıdanyna qatysýshylarǵa bir rettik tólem berý josparlanyp otyr. Almatyda mundaı azamattardyń sany 18 myńnan asady.

Osylaısha, 206 Ekinshi dúnıejúzilik soǵysqa qatysýshy jáne múgedekter - 1 mln teńgeden, 4 myńnan asa adam – 100 myń teńgeden, 14 myńǵa jýyq adam 50 myń teńgeden 1 rettik kómek alady.