Almatyda soǵys ardagerleriniń semınary aıaqtaldy
ALMATY. Qyrkúıektiń 24-i. QazAqparat /Erbol Turymbetov/ - Almaty jáne Astana qalalary soǵys ardagerleri keńesiniń dástúrli semınary aıaqtaldy. Búgin semınar sońynda qatysýshylar 28 Gvardııashy-Panfılovshylar eskertkishiniń aldynda gúl shoqtaryn qoıý rásimin ótkizdi,
dep habarlaıdy QazAqparat.
Soǵys ardagerleriniń semınary qyrkúıektiń 22-si kúni bastalǵan bolatyn. Bıyl da óz jalǵasyn taýyp otyrǵan dástúrli soǵys ardagerleriniń semınaryna respýblıkamyzdyń qalalarynan birshama qatysýshylar keldi. Semınar barysynda ardagerler kókeılerindegi suraqtardy talqyǵa salyp, qordalanyp otyrǵan mańyzdy máselelerdiń sheshý joldaryn qarastyrdy. Olardyń aıtýynsha keshegi kúndi umytpaı, tarıhtyń shyn baǵasyn berý - erteńgi bolashaq urpaq aldyndaǵy paryz ispettes.Saltanatty sharada máńgi alaýdyń aldyna gúl shoqtary qoıylyp, soǵys jyldaryndaǵy ánder shyrqaldy.
