Almatyda soǵys ardagerleriniń alleıasy ashyldy
200 aǵash otyrǵyzý bastamasyn QR Tuńǵysh Prezıdent qorynyń qoldaýymen Respýblıkalyq «Generaldar keńesi» qoǵamdyq birlestigi qolǵa alǵan.
«Bul jerge 200 úıeńki aǵashy otyrǵyzyldy. Jas shybyqtar qazir jaıqalyp tur. Kóp adamdar aǵashqa jeke jeke jaýyngerdiń atyn berýdi usyndy. Biraq, men olaı etpeýge sheshim qabyldadym. Bizde batyrlar kóp, al aǵash sany 200-aq. Eger olardyń urpaqtary aǵashtardan atasynyń atyn tappasa yńǵaısyz bolady. Bul saıabaq soǵys ardagerleriniń batyrlyǵyn dáripteýge múmkindik beredi», - dedi general Almasbek Abdrahmanov.
Saltanatty sharaǵa soǵys ardagerleri, tyl eńbekkerleri, áskerı ardagerler jınaldy.
«UOS qatysýshylary alleıasy» QR Tuńǵysh Prezıdenti parkiniń batys jaǵynda ornalasqan.
Aıta ketý kerek, bul shara bıyl Jeńis kúnine josparlanǵan bolatyn. Alaıda, karantınge baılanysty keıinge shegerildi.
