Almatyda soǵys ardagerleri Jeńis kúnine oraı 500 myń teńgeden alady
Dástúr boıynsha áskerge shaqyrylǵandardyń týystary men jaqyndary bolashaq jaýyngerlerge qoldaý bildirýge jınaldy.
Almaty ákimi Baýyrjan Baıbek elimizdiń Qarýly kúshteri qurylǵan kúnniń Táýelsiz Qazaqstannyń dańqty jylnamasyna altyn áriptermen jazylǵanyn aıtty.
«Elbasy aıtyp ótkendeı, Qarýly kúshter - qaýipsizdiktiń basty kepili jáne egemendigimiz ben elimizdiń beıbit ómiriniń myzǵymas qorǵany. Biz búgin Otanymyzdy qorǵaǵan Qazaqstannyń barlyq urpaqtaryna taǵzym etemiz. Attary ańyzǵa aınalǵan Qarasaı batyrdyń, Baýyrjan Momyshulynyń, Leonıd Bedanyń, Borıs Kerimbaevtyń jáne kóptegen basqalarynyń esimderi halqymyzdyń jadynda máńgilik saqtalatyn bolady. Biz Uly Otan soǵysynda jeńiske jetken batyrlarymyz ben ardagerlerimizdiń erligi men batyldyǵyn maqtan etemiz», - dedi Baýyrjan Baıbek.
Aıta keterligi, qala ákimdigi jyl saıynǵy qarjylaı kómekti taǵy da eki esege arttyrý týraly sheshim qabyldady. Osylaısha, bıylǵy jyly Almatynyń ardagerleri 500 myń teńgeden alatyn bolady.
«Táýelsizdik jyldarynda elimizde shaıqasýǵa qabiletti, mobıldi jáne myqty qarýlanǵan Armııa qalyptasty. Memleket basshysy, Qarýly kúshterdiń Joǵarǵy Bas qolbasshysy Qasym-Jomart Toqaev ótken «Aıbalta-2019» oqý-jattyǵýy kezinde joǵary baǵa berdi. Armııaǵa memlekettik qoldaý kórsetý áskerı qyzmettiń mártebesin arttyrdy. Áskerı qyzmetshilerdi áleýmettik qamtýǵa turaqty nazar aýdarylýda. Turǵyn úımen qamtýdyń jańa modelin engýziden bastap Almatyda 10 myńǵa jýyq áskerı qyzmetshi Turǵyn úı qurylys jınaq bankinde depozıtter ashty, al 360 myńnan astam otbasy jeke páterlerge ıe boldy», - dedi Baýyrjan Baıbek.
Saltanatty shara barysynda ásker qataryna shaqyrylǵandarǵa syılyqtar, «Jas sarbaz» qozǵalysynyń tárbıelenýshilerine sertıfıkattar berildi, desantty-daýyldy áskerıler bólimsheleriniń jattyǵýlary men kontserttik baǵdarlamalar usynyldy.
