Almatyda soǵys ardagerleri týraly biryńǵaı baza jasalady
Jeńistiń 75 jyldyǵy aıasynda Almaty qalasynyń qorǵanys isteri jónindegi departamenti soǵysqa qatysýshylar týraly biryńǵaı málimetter bazasyn jasap jatyr. Onyń maqsaty – týǵan-týystary men tarıhshylarǵa jáne zertteýshilerge jaýyngerlerdi izdep tabýǵa kómektesý.
«Qazirgi ýaqytta aýqymdy jumys júrip jatyr. Myńdaǵan qujat jınalyp, elektrondy formatqa kóshirildi. Onda soǵys kezinde jáne soǵystan keıingi jyldary qaıtys bolyp nemese iz-tússiz joǵalyp ketken jaýyngerler týraly jeke málimetter jınaqtalǵan» dep habarlady qorǵanys isteri departamenti.
Ekinshi dúnıejúzilik soǵys kezinde shaqyrylǵan jaýyngerlerdiń tizimi, ardagerlerdiń tirkeý jáne áskerı bıletteri, qaıtys bolǵany týraly qara qaǵaz, habar-osharsyz ketkender týraly habarlamalar, ofıtserlerdiń jeke is qaǵazdary, soǵys jyldaryndaǵy jáne soǵystan keıingi ardagerlerdiń fotosýretteri, sondaı-aq basqa da arhıv materıaldary muraǵattar men arhıvterden jınaqtalǵan.
Barlyq jınalǵan aqparat QR Qarýly kúshteriniń Nur-Sultandaǵy Áskerı-tarıhı mýzeıine jiberiledi.
Maıdan dalasyna 1,2 mln jýyq otandasymyz attandy. Qazaqstanda 12 atqyshtar dıvızııasy, 7 atqyshtar brıgadasy, 4 kavalerııalyq dıvızııa jáne 50-den astam polk pen batalondar qurylǵan.
Ekinshi dúnıejúzilik soǵysta 700 myńǵa jýyq qazaqstandyq qaza tapty.
