Almatyda soǵylǵan avtobýstardyń tejegishi isten shyqqan joq- JShS
ALMATY. QazAqparat- 8 qarasha kúni Abylaı han dańǵyly men Tóle bı kóshesi qıylysynda soqtyǵysqan eki avtobýstyń tejegishi isten shyqty degen aqparat shyndyqqa janaspaıdy. Bul týraly «Almatyelektrokólik» JShS málim etti, dep habarlaıdy QazAqparat tilshisi.
«Atalǵan avtobýstar bıyl mamyr aıynda satyp alyndy, qazirgi kezde shyǵarýshy zaýyttyń kepildemesinde, tehnıkalyq aqaýlary joq, tehnıkalyq túıinderi men agregattary, sondaı-aq tejegishteri aqaýsyz jumys atqaryp tur»,- dep habarlady kompanııadan.
Sonymen qatar «Almatyelektrokólik» JShS 2022 jyldyń 23 qyrkúıeginde №201 marshrýttyń avtobýstarynyń sany artyp, jańartylǵanyn málim etti.
«LıAZ markaly 18 avtobýstyń ornyna 2022 jyly qurastyrylǵan Golden Dragon markaly 24 avtobýs jolǵa shyǵaryldy. Atalǵan shara jolaýshylar tarapynan surasnystyń artýyna baılanysty qoldanyldy», - dep atap ótti «Almatyelektrokólik» JShS.
Avtobýstar aýystyrylǵannan keıin júris ıntervaly 12 mınýttan 6-7 mınýtqa deıin qysqardy.
Eske salaıyq, 8 qarasha kúni Almatyda Tóle bı - Abylaı han kósheleriniń qıylysynda eki avtobýs soqtyǵysty.
Alǵashynda polıtseıler 1 adamnyń kóz jumyp, 15 adamnyń zardap shekkeni týraly málimdegen bolatyn.
Keıin jaraqat alǵandar sany 17-ge artty.
Sońǵy málimet boıynsha, medıtsınalyq kómekke 21 adam júgingen, onyń 9-y aýrýhanaǵa jatqyzyldy.
Sondaı-aq sol kúni Almatyda avtobýs pen jeńil kólik soqtyǵysty.
