Almatyda smartfondar hory kúı tókti

ALMATY. QazAqparat - Almatyda «Tsıfrlyq kúz» erekshe sharasy bastaldy. Kontsert kezinde mýzykanttar smartfonnan kúı tókti, dep habarlaıdy QazAqparat tilshisi.

Qazaq ulttyq konservatorııasynyń stýdentteri sahnaǵa shyǵyp, kontsert qoıdy. Biraq, olar áýendi mýzykalyq aspapta emes, smartfonda oınady.

Basynda áýendi smartfondar hory men solıster oryndasa, odan keıin áýenge zal da qosyldy.

Keıin belgili bolǵandaı, tsıfrlyq mýzyka Faust baǵdarlamalaý tilindegi qosymsha arqyly jasalǵan.

Telefonnyń keńistiktegi ornalasýyna baılanysty qosymshanyń dybysy ózgerip otyrady.

Grame: Smart Faust - kompozıtorlar, mýzyka avtorlary, oryndaýshylar, ártisterdiń basyn qosyp, ınnovatsııalyq mýzyka jazýǵa arnalǵan alań.

Ár maýsym saıyn munda 20 álemdik kompozıtor jınalyp, shyǵarmashylyq rezıdentsııa uıymdastyrady.

Bıylǵy «Tsıfrlyq kúz» sharasy barysynda 10 sektsııa ashylady.

Bul baǵdarlamalarǵa qatysatyn frantsýz kompozıtorlary qazaqstandyq stýdentterge tsıfrlyq mýzyka taqyrybynda master klass ótkizedi.

Atalǵan sharany Frantsııanyń Qazaqstandaǵy elshiligi, QR Aqparat jáne kommýnıkatsııalar mınıstrligi jáne Almaty ákimdigi uıymdastyryp otyr.