Almatyda smartfon urlaýmen aınalysqan alaıaq qolǵa tústi
ALMATY. QazAqparat – Almatyda alaıaqtyq jolmen bótenniń smartfonyn ıemdengen jas jigit ustaldy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, kúdikti 22 jasta. E. esimdi azamat esh jerde jumys istemeıdi. Kóbine táýlik boıy jumys isteıtin býkmerlik keńselerde júredi. Meshitterde tamaqtanady.
«Telefon shalyp alaıynshy» dep ótinish etip, smartfon urlaýmen aınalysqan jas jigit óziniń qurbandaryn býkmekerlik keńselerden izdegen. Kúdikti jańa tanysqan adamdardyń senimine oıdan shyǵarylǵan túrli áńgimeler aıtý arqyly kirgen. Olardan «áıelim aýryp jatyr, telefon shalýym kerek» dep, smartfondaryn surap alǵan. Qolyna telefon tıe salysymen izin sýytqan. Negizi onyń áıeli joq. Alaıaqtyq jolmen qoldy etken telefondardy arzan baǵaǵa satqan. Qazir kúdikti ustaldy. Ol óziniń kinásin tolyq moıyndady. Tergeý jumystary júrip jatyr», – dedi Áýezov aýdandyq polıtsııa basqarmasynyń bastyǵy Álisher Tursynbetov.
