Almatyda skýter, moped sııaqty kólikterdiń qatysýymen bolatyn jol apattary kóbeıdi
ALMATY. QazAqparat - Almatyda skýter, moped, velosıped, samokattyń qatysýymen bolatyn jol-kólik oqıǵalaryn azaıtý maqsatynda polıtsııa júrgizýshilermen profılaktıkalyq jumystar júrgizýde, dep habarlaıdy QazAqparat tilshisi.
Áleýmettik jelide moped júrgizýshisiniń polıtsııa qyzmetkerimen sóz talastyryp jatqan vıdeosy paıda boldy.
Almaty qalalyq Polıtsııa departamenti baspasóz qyzmetiniń málimetinshe, qazirgi kezde polıtsııa qyzmetkerleri skýter, moped, samokat jáne velosıped júrgizýshilerimen profılaktıkalyq jumystar júrgizýde.
«Ókinishke oraı, sońǵy kezde Almaty kóshelerinde joǵaryda atalǵan kólikterdiń qatysýymen bolatyn apattary jıilep ketti. Ásirese, kýrerlik jetkizý qyzmeti ókilderiniń áreketinen bolatyn jazataıym oqıǵalar kóp. Osyndaı oqıǵalardyń birinde jas jigit qaza tapty. Bul dabyl qaǵýǵa jáne eki dóńgelekti kólik júrgizýshilerin jaýapkershilikke shaqyrýǵa sebep. Jedel jáne aldyn alý sharalary jalǵasady»,- dep atap ótti polıtsııadaǵylar.
Sonymen qatar, polıtsııa erejege sáıkes, eger mopedtiń qozǵaltqysh kólemi 50 tekshe metrden assa, onda ol kólik retinde polıtsııada tirkelýi kerek jáne júrgizýshiniń tıisti sanattaǵy kýáligi bolýy shart ekenin atap ótti.
«Keshe, 15 sáýirde osyndaı mopedtiń biri ustaldy. Qozǵaltqysh kólemi - 150 tekshe metr. Júrgizýshiniń kýáligi men memlekettik nómiri joq. Búgin, 16 naýryzda, tańerteń dál sondaı jaǵdaı basqa júrgizýshi tarapynan qaıtalandy. Eki júrgizýshige de ákimshilik hattama toltyryldy. Mopedtter aıyppul turaǵyna qoıyldy», - dep tolyqtyrdy departament ókilderi.
Buǵan deıin, Almatyda moped mingen kýrer jeńil kólikke soqtyǵysyp, eki adam zardap shekkeni týraly jazǵan bolatynbyz.
Keıin jol apatynan jaraqat alǵan eki adamnyń biri aýrýhanada qaıtys boldy.
