Almatyda skrınıngtiń arqasynda 400-ge jýyq sábıden retınopatııa anyqtaldy
ALMATY. QazAqparat – Byltyr shala týǵan náresterelge júrgiziletin skrınıngtiń arqasynda 400-ge jýyq sábıden retınopatııa anyqtaldy. Olardyń 80 paıyzyna ýaqytynda ota jasalyp, soqyrlyqtyń aldy alyndy. Bul týraly Óńirlik kommýnıkatsııalar qyzmetiniń alańynda ótken baspasóz máslıhatynda Almaty qalasy Qoǵamdyq densaýlyq saqtaý basqarmasynyń shtattan tys balalar bas neonatology Elena Plýjnıkova málim etti, dep habarlaıdy QazAqparat tilshisi.
Onyń aıtýynsha, shala týǵan nárestelerdi skrınıngtik tekserýde qoldanylatyn jańa ádister múgedektiktiń aldyn alýǵa múmkindik beredi. Qazir perzenthanalarda shala týǵan náresteler úshin retınopatııa (kózdiń tor qabyǵynyń damymaýy) skrınıngi júrgiziledi. Eger bala merziminen buryn dúnıege kelse, onda kózdiń tor qabyǵy damyp úlgermeıdi. Ol birtindep qalyptasady, biraq jatyr ishinde damýyna qaraǵanda, agressıvti jaǵdaılarda qalyptasatyn bolady. «Búginde Almatynyń balalar oftalmologtary retınopatııasy bar balalarǵa shuǵyl em jasaýda. Sol sebepti de erte bosanyp qoıý saldarynan kózi kórmeıtin balalar sany aıtarlyqtaı azaıdy. Ótken jyly shala týylǵan náresteler arasynda retınopatııanyń 400-ge jýyq jaǵdaıy anyqtaldy, olardyń 80 paıyzyna ota jasaldy»,- deıdi dáriger. Sonymen qatar, ol skrınıngtiń arqasynda byltyr estý qabileti buzylǵan 44 jańa týǵan náreste anyqtalǵanyn atap ótti. Sondaı-aq 2 fenılketonýrııa jáne 5 týa bitken gıpotıreoz anyqtaldy. «Fenılketonýrııa - belgili bir amın qyshqylyn óńdeı almaǵan kezde baýyr fermentteriniń jetkiliksizdiginen bolatyn tuqym qýalaıtyn aýrý. Bul amın qyshqyly emshek sútinde jáne birqatar taǵamdarda kezdesedi. Bala týylǵan kezde, onyń densaýlyǵynda mundaı aqaýdyń bar-joǵyn syrtynan klınıkalyq túrde anyqtaý múmkin emes, biraq balany anasy keýdesine salyp, emizedi jáne sodan keıin qosymsha taǵamdar engiziledi, qıyndyqtar osy kezde týyndaıdy. Eger zattar durys ydyramaıtyn bolsa, ol náresteniń mıyna áser etedi», - deıdi pedıatr-neonatolog.
Onyń aıtýynsha, sol úshin perzenthana kezeńinde skrınıng júrgiziledi: jańa týǵan náresteniń ókshesinen qan alynyp, genetıkalyq ortalyqqa jiberiledi. Týa bitken gıpotıreozge skrınıng osyndaı prıntsıppen júrgiziledi. «Eger dıagnoz anyqtalsa, onda fenılketonýrııa úshin dıetalyq terapııa, al týa bitken gıpotıreoz úshin ómir boıyna gormondardy almastyrý terapııasy qoldanylady. Sondaı-aq estý qabiletiniń buzylýyn der kezinde anyqtaý maqsatynda jańa týǵan nárestelerdi aýdıologııalyq tekserý júrgiziledi. Aýyr jaǵdaıda týǵan balalardy qospaǵanda, barlyq balalar osy skrınıngten ótedi. Bul aýyrtpaı jasalatyn shara. Almatyyń árbir perzenthanasynda arnaıy aýdıometr bar, ony balanyń qulaǵyna salý arqyly sıgnaldy tirkeıdi. Eger eki qulaǵy sıgnaldy ótkizbeıtinni anyqtalsa, balany sýrdologııalyq kabınet tirkeýine qoıady», - dep jalǵastyrdy Elena Plýjnıkova. Spıkerdiń sózinshe, bul – mańyzdy skrınıng, sebebi estý qabileti balanyń sóıleýi men onyń fızıkalyq damýymen bikeleı baılanysty. Aıta keteıik, 2022 jyly Almatyda 50 myńǵa jýyq náreste dúnıege kelgen.Foto: Almaty qalasynyń Óńirlik kommýnıkatsııalar qyzmeti
