Almatyda skrınıngten ótken áıelderdiń 36%-nyń densaýlyǵy nashar
ALMATY. QazAqparat - Almatyda emhanalarynda qaterli isik dertine qatysty skrınıngtik tekserý jalǵasyp jatyr, dep habarlaıdy QazAqparat tilshisi.
Ýchaskelik dárigerler skrınıngtik shaqyrtýlarǵa beı-jaı qaramaýdy suraıdy. Sebebi, qaralýǵa kelgen áıelderdiń 36% sút bezi qaterli isiginiń belgileri anyqtalǵan.
Er adamdardyń 5%-nen prostata qaterli isigi baıqaldy. Al qaralýǵa kelgen adamdardyń 7%-nen qan aınalymy aýrýlarynyń belgisi tabylǵan.
Tek qana №11 emhananyń ózinde byltyr qan aınalymy aýrýlarynan 4800 adam tekserilse, 340 adamda aýrý belgileri bastalǵanyn anyqtaldy.
«Qaralýǵa kelgen 38 adamnan qant dıabeti tabyldy. Glaýkoma aýrýyna 5500 adam tekserilse, 16 adam naýqas ekeni belgili boldy. Byltyr qaterli isik boıynsha 1800 adam skrınıngten ótti. Onyń ishinde 36%-nan, ıaǵnı 647 áıelden sút bezi ragynyń belgileri anyqtalsa, 5 áıel qaýipti derttiń alǵashqy kezeńinde ekendigi belgili boldy», - dedi №11 emhananyń profılaktıka bóliminiń meńgerýshisi Jıgagúl Sultanova.
Sonymen qatar, tekserilýge kelgen 18 adam tikishek qaterli isiginiń belgileri baryn bilgen.
Almatyda qaterli isik aýrýlary boıynsha asqazan-óńesh qaterli isiginiń (1,3%), qýyqasty beziniń (2,3%) aýrýlary kósh bastap tur.
«Ulttyq skrınıngtik baǵdarlama qaterli isik aýrýlaryn alǵashqy kezeńinde anyqtaýdy birneshe ese jaqsartty. Baǵdarlama 12 baǵyt boıynsha júzege asyrylyp keledi. Osynyń arqasynda sút bezi aýrýynan kóz jumatyndardyń kórsetkishin azaıtý múmkin bolyp tur. Oǵan adıývantty terapııa, hımıogormonoterapııa septigin tıgizýde», - dedi Jıgagúl Sultanova.
