Almatyda skrınıngten keıin 13 áıelden qaterli isik anyqtaldy
ALMATY. QazAqparat – Almatyda 73 myńnan astam áıel jatyr moıny qaterli isigine tekserildi, dep habarlaıdy QazAqparat tilshisi.
Almaty qalalyq onkologııalyq dıspanseri taratqan aqparatqa sáıkes, byltyr skrınıngten ótken áıelder arasynda 13-inen qaterli isik, 2122 áıelden qaterliligi tómen isik anyqtalǵan. Esepke jatyr moınynyń qaterli isigi dıagnozymen 145 áıel alyndy. Olardyń barlyǵy mamandardyń baqylaýynda.
Qalalyq dıspanserdiń onkogınekologııa bólimshesiniń meńgerýshisi Raıhan Bolatbekovanyń aıtýynsha, jatyr moıny qaterli isigin erte bastan anyqtaǵan jaǵdaıda tolyq emdep jazýǵa bolady.
«Ókinishke oraı, qazir jatyr moıny qaterli isigi áıelder arasynda statıstıka boıynsha kósh bastap tur. Skrınıng – osy kórsetkishti azaıtýdyń basty tetigi. ıAǵnı, jatyr moıny epıtelııasyndaǵy ózgeristerdi aldyn ala anyqtap, emdep jazsa, ol jerde qaterli isik damymaıdy», - dedi maman.
