Almatyda Sıvers alma aǵashynyń 8 myń kósheti otyrǵyzyldy

ALMATY. QazAqparat - Megapolıste 50 myńnan astam kóshet otyrǵyzyldy. Bul týraly Baqytjan Saǵyntaev «Almaty» telearnasyndaǵy Akimat Live baǵdarlamasynda málim etti, dep habarlaıdy QazAqparat tilshisi.

«Bıyl kóktemde 50 myńnan astam kóshet otyrǵyzyldy. Onyń 17 myńnan astamy - ótemdik, 21 myńǵa jýyǵy - jobalyq. Egilgen aǵashtardy kútý kepildik mindettemeler esebinen júzege asyrylady. Bıylǵy kóktemdegi eń kóp aǵash otyrǵyzylǵan jerdiń biri - Kóktóbe taýyndaǵy 8 myń Sıvers alma aǵashy. Munda barlyǵy 40 myń Sıvers alma aǵashy egiledi»,- dedi Baqytjan Saǵyntaev.

Maýsym aıynyń sońyna deıin taǵy 350 túp aǵash egiledi.

«Jetisý aýdanynyń «Kókjıek» shaǵyn aýdanynda 8 450 aǵash otyrǵyzyldy. Bular pıramıdaly terek, kúmis terek, sondaı-aq jemis aǵashtary – «altyn keremet», «amerıkanka», «lımonka» syndy alma aǵashtary men Nıkıtınskıı órigi. Almaty aýdandaryna emen, terek, kashtan, mamyrgúl, katalpa, qaraǵaı, shyrsha syndy ártúrli aǵash túrleri otyrǵyzyldy»,-dedi ol.

Budan ózge, Almaty qalasy jasyl ekonomıka basqarmasynyń mamandary «Jasyl aýla» aktsııasy aıasynda 109 mekenjaı turǵyndaryna 1500 japyraqty kóshet taratty.

Aǵash otyrǵyzý barlyq sanıtarlyq normalar men maska rejımine sáıkes júzege asyrylyp jatyr.