Almatyda Sırııaǵa ketpek bolǵan «salafıt» sottaldy
ALMATY. QazAqparat - Almatynyń Almaly aýdandyq sotynda Qyrǵyzstan men Túrkııa arqyly Sırııaǵa ótip ketpek bolǵan «salafızm» radıkaldy dinı aǵymynyń ókiline qatysty qylmystyq is qaraldy, dep habarlaıdy QazAqparat tilshisi.
Ol «Djabhat an-nýsra» terrorlyq uıymynyń soǵys qımyldaryna qatysý úshin Sırııaǵa barmaq bolǵan.
Sot úkimimen M esimdi aıyptalýshyǵa QR QK 24-babynyń 1-shi bóligi, 257-babynyń 2-shi bóligi boıynsha aıyp taǵylyp, 6 jylǵa bas bostandyǵynan aıyryldy.Sondaı-aq onyń jeke múlki tárkilenedi jáne ol orta deńgeıdegi qaýipsizdik júıesindegi qylmystyq-túzeý mekemesinde jazasyn óteıdi.
Almaty qalalyq sotynyń Qylmystyq ister jónindegi apellıatsııalyq sot alqasynyń 2017 jylǵy 1 tamyzdaǵy qaýlysymen oǵan qatysty Almaly aýdandyq soty shyǵarǵan basty sot úkimi ózgerissiz qaldyryldy.
Sot úkimi zańdy kúshine endi.
