Almatyda sıntetıkalyq esirtki jasaıtyn jasyryn zerthana joıyldy
Almaty qalalyq Polıtsııa departamentiniń málimetinshe, zerthana Medeý aýdanyndaǵy baý-baqsha qoǵamynyń aýmaǵyndaǵy jeke úıde ornalasqan. Ony 25 jáne 24 jastaǵy eki jigit basqarǵan.
«Úıdi sanktsııalanǵan tintý kezinde «mefedron» sıntetıkalyq psıhotroptyq zatyn óndirý barysynda qoldanylatyn untaq jáne kesek zattar, hımııalyq zattar salynǵan plastık ydystar, túrli suıyqqa toly zerthanalyq ydys, elektrondy tarazy jáne basqa da zattar tabyldy jáne olar is júrgizý tártibimen tárkilendi. Kúdiktilerdiń esirtki ázirleýge arnalǵan komponentterdi Reseı Federatsııasynan kólik-logıstıkalyq kompanııanyń qyzmeti arqyly alǵany anyqtaldy», - dedi Almaty qalalyq PD esirtki qylmysyna qarsy is-qımyl basqarmasynyń bastyǵy Erlan Almaǵambetov.
Úsh keli keptirilgen jáne on keli satýǵa daıyn tárkilengen zattarǵa sot-hımııalyq saraptama taǵaıyndaldy.
«Kúdiktilerdiń áreketteri Qylmystyq kodekstiń 297-baby boıynsha tirkeldi. Olar ózderiniń kinásin tolyq moıyndap, óndirilgen taýarlardyń Medeý, Bostandyq jáne Naýryzbaı aýdandarynyń aýmaǵynda belgili bir oryndarǵa jasyryp ketý arqyly satylatyndyǵyn aıtty. Ustalǵan azamattar PD ýaqytsha ustaý ızolıatoryna qamaldy. Olardyń basqa da qylmystarǵa qatysy bar-joǵy tekseriledi», - dedi Erlan Almaǵambetov.
