Almatyda Sınhaı revolıýtsııasynyń 100 jyldyǵyna arnalǵan fotokórme ashyldy
ALMATY. 24 qazan. QazAqparat /Názıra Eleýhan/ - Búgin Almatyda ál-Farabı atyndaǵy QazUÝ-niń ákimshilik ǵımaratynda jańa Qytaıdyń áleýmettik-ekonomıkalyq damýyna úlken yqpal etken uly kóterilis - Sınhaı revolıýtsııasynyń 100 jyldyǵyna arnalǵan fotokórme ashyldy.
Kórmeniń ashylý saltanatyna Ýnıversıtettiń birinshi prorektory Muhambetqalı Búrkitbaev, Almatydaǵy QHR Bas konsýly Dý Deven hanym, oqý orynynyń oqytýshylar quramy men stýdentteri qatysty.
Kórmege uly Sınhaı revolıýtsııasynan syr shertetin jáne Qytaı eliniń damýy men onyń búgingi jetistikterin baıandaıtyn 60-tan asa fotosýretter qoıylǵan.
Shara barasynda uly kóterilistiń Qytaı tarıhynda alǵan orny aıtylyp, oqıǵaǵa sholý jasaldy.
Esterińizge sala ketsek, Sınhaı revolıýtsııasy Qytaıda 1911 jyly boldy. Búkil elde kóterilgen qarýly kóterilis sol kezdegi feodaldyq Tsın áýletiniń bıligin qulatyp, uly memlekettiń monarhııasyna balta shapty. Bul oqıǵa qytaı kúntizbesi boıynsha «Sınhaı» jyly bolǵandyqtan, «Sınhaı revolıýtsııasy» degen atalyp ketken.
