Almatyda «SIFE-Kazakhstan- 2011» baıqaýy aıasynda eń úzdik stýdenttik komanda anyqtalatyn bolady
ALMATY. 6 mamyr. QazAqparat /Názıra Eleýhan/ - Almatyda ál-Farabı atyndaǵy QazUÝ-de jyl saıynǵy aıtýly baıqaýdyń biri «SIFE-Kazakhstan» atty stýdentterdiń bıznes-jobasy ótip jatyr.
Baıqaý aıasynda eń úzdik stýdenttik komanda anyqtalatyn bolady.
Jobaǵa elimizdiń iri qalalarynan 8 komanda qatysýda. Atap aıtqanda, «ál-Farabı atyndaǵy QazUÝ» komandasy, L.N.Gýmılev atyndaǵy EUÝ, Qaraǵandy tehnıkalyq ýnıversıteti, Taraz memlekettik ýnıversıteti, E. Bóketov atyndaǵy Qaraǵandy memlekettik ýnıversıteti, Demırel ýnıversıteti, Almaty qalasyndaǵy Halyqaralyq bıznes ýnıversıteti, Týran ýnıversıteti.
Búgin fınalǵa tórt komanda ótti. Olar - «ál-Farabı atyndaǵy QazUÝ» komandasy, L.N.Gýmılev atyndaǵy EUÝ, E.Bóketov atyndaǵy Qaraǵandy memlekettik ýnıversıteti, Almaty qalasyndaǵy Halyqaralyq bıznes ýnıversıteti (UIB - Almaty). Jeńgen komanda bıyl Malaızııada, qazan aıynda ótetin Halyqaralyq SIFE Kýbogyna Qazaqstan atynan joldama alatyn bolady. Baıqaýǵa elimizdiń jetekshi bıznes kompanııalarynyń top-menedjerleri qazylyq jasaýda.
Osy ýaqytqa deıin QazUÝ bul jobada úsh márte jeńimpaz atanǵan bolatyn. Bıyl QazUÝ-ti komandasy bes brdeı jobany alǵa tartyp otyr.
