Almatyda shyntaǵymen avtobýs aıdaǵan júrgizýshi jazalandy
ALMATY. QazAqparat - Almatyda qolynda smartfon ustap, avtobýs rólin shyntaǵymen basqarǵan jaýapqa tartyldy. Bul týraly Almaty qalalyq polıtsııa departamenti bastyǵynyń orynbasary Rýstam Abdrahmanov Facebook-ke jazdy, dep habarlaıdy QazAqparat tilshisi.
Kýágerler vıdeony 16 aqpan kúni túsirip, áleýmettik jelige salǵan. Vıdeo astyna jeli qoldanýshylary Rýstam Abdrahmanovty belgilegen bolatyn.
Osyǵan oraı, Almaty qalalyq polıtsııa departamentiniń patrýldik polıtsııa polkiniń qyzmetkerlerine tekserý júrgizý tapsyrylǵan edi.
«Quqyqbuzýshy anyqtaldy. Ol 1987 jyly týǵan Ý. esimdi azamat bolyp shyqty. Ol ÁQBt QRK-niń 591-babynyń 1-bóligimen ákimshilik quqyq buzýshylyq jasaǵany úshin jaýapqa tartyldy. 3 naýryzda júrgizýshige hattama toltyryldy», - dep jazdy Rýstam Abdrahmanov.
Ol sondaı-aq jol boıynda mundaı áreketke jol berilmeıtinin eske saldy.
